Magazeti ya Jumatatu, Mei 11: Raila akosoa hatua za Rais Magufuli katika kukabili COVID-19

Magazeti ya Jumatatu, Mei 11, yanaongoza na hatua ya Rais Uhuru Kenyatta kuwaalika maseneta wa Chama cha Jubilee katika Ikulu kwa Mkutano wa Kundi la Wabunge.

Magazeti haya pia yanaripoti kuhusu bajeti ya mwaka 2020/2021 ambayo yaonekana kukosesha usingizi Hazina ya Taifa huku ikijaribu kupima kati ya kukopa na matumizi.

Habari Nyingine: Askofu akamatwa akiongoza ibada ya Jumapili huku kondoo wake wakihepa

Habari Nyingine: Ujumbe wa Murkomen saa chache kabla ya kukutana na Uhuru Ikulu

1. People Daily

Kiongozi wa upinzani Raila Odinga amemkosoa Rais wa Tanzania, John Pombe Magufuli kwa msimamo wake katika vita dhidi ya janga la virusi vya corona.

Raila alisema hatua za Magufuli zitatiza mafanikio ya wanachama wa Jamii ya Kanda ya Afrika Mashariki (EAC) ambayo wamepata katika kukabiliana na virusi hivyo.

Gazeti hili linaripoti kuwa Magufuli amekuwa akishuku vipimo vya COVID-19 na hivyo kusitisha ripoti ya kila siku kuhusu ugonjwa huo licha ya idadi ya mambukizi kupanda maradufu.

"Hili ni suala la kanda na hatma yetu ni ya pamoja. Hatutaki hali ambapo taifa litalazimika kufunga mipaka yake. Mdhahalo ndio njia bora," alisema Raila ambaye ni mmoja wa marafiki wa karibu wa Magufuli.

2. The Standard

Naibu katibu mkuu wa Chama cha Jubilee, Caleb Kositany anashuku hatua ya Rais Uhuru ya kuwaalika maseneta wa chama hicho kwa mkutano wa Kundi la Wabunge bila kutoa ajenda.

Kositany alisema kuna uwezekano mkubwa katika fununu zinazoenezwa kuwa Uhuru atamwondoa Kiongozi wa Wengi Seneti, Kipchumba Murkomen na kiranja wa wengi Susan Kihika kutoka kwa nyadhifa zao.

Hata hivyo, Kositany, alionya kuwa mabadiliko hayo yatakuwa hatari kwa chama hicho.

Katibu Mkuu wa Jubilee, Raphael Tuju alisema mkutano huo ulikuwa unapania kujadili utata katikaNairobi Metropolitan Service.

Murkomen na Kihika wanamulikwa kuwa katika mstari wa mbele kukashifu NMS.

3. Taifa Leo

Mbunge wa Tigania Magharibi, John Mutunga ameirai serikali kuorodhesha miraa miongoni mwa bidhaa muhimu kama vile mboga na matunda.

Mutunga alilalamika kuwa maafisa wanaoshinikiza marufuku ya kuingia Eastleigh wamefungia nje magari yanayosafirisha miraa katika mtaa huo na hivyo wakulima kupata hasara kibwa.

4. The Star

Gazeti hili linaripoti kuwa huenda Rais Uhuru Kenyatta anapanga njama ya kumbadilisha naibu wake William Ruto na kiongozi wa KANU, Gideon Moi.

Haya yaliibuka baada ya kiongozi huyo wa Chama cha Jubilee kuafikiana kufanya uchaguzi mdogo na KANU.

Chama cha Kalonzo Musyoka cha Wiper pia kina mpango wa kuweka mkataba na Jubilee ambapo mabadiliko makubwa yatashuhudiwa katika Baraza la Mawaziri mapema Jumatano, Mei 13.

Kulingana na The Star, makubaliano kati ya Uhuru na Raila yalisimamishwa baada ya kiongozi wa upinzani kutaka mamlaka kubwa serikalini.

5. Daily Nation

Hatua ya Rais Uhuru kuwaalika maseneta wa Chama cha Jubilee Party kwa mkutano wa Kundi la Wabunge imetajwa kama masaibu zaidi kuendelea kumwandama Ruto na wandani wake.

Imeibuka kuwa Kiongozi wa Wengi Seneti, Kipchumba Murkomen yuko katika hatari ya kupoteza wadhifa wake kwa Seneta wa Pokot Magharibi Samwel Poghisio.

Seneta wa Nakuru, Susan Kihika ambaye ni Kiranja wa Wengi pia huenda akapoteza wadhifa wake kwa Seneta wa Murang'a, Irungu Kang'ata ambaye ameelezewa kuwa mwaminifu kwa Kiongozi wa Taifa.

Endapo mabadiliko hayo yatatekelezwa, Seneta wa Nairobi, Johnson Sakaja atakuwa naibu wa Kang'ata.

Kulingana na gazeti hili, mabadiliko hayo yanatazamiwa kuzima ushawishi wa Naibu Rais na wandani wake ambao wanakashifiwa kwa kukosoa ajenda ya Uhuru.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdjaoNzhJhmpJqfka%2BytbWMsphmoqWirrWt065kpp2ZYn5yedGaoKWZXZa4sL%2FOmmShmaSqrm7GwGapmqGjYrqis9SfrKWhXaCutbXKmmSkrZuWr6q4yGaaqK6ZmXpyhY2hq6ak