Kagwe spesheli: Waziri Kagwe azua ucheshi wakati wa kikao na wanahabari

-Kagwe alisema huu ni wakati wa kutumia pesa zilizokuwa za kununua mvinyo kufanya mengine

- Alisema hata yeye alikuwa mpenzi wa kukata kiu lakini kwa sasa atabadili hilo kutokana na Covid-19

- Rais Uhuru alitoa agizo kali dhidi ya kufunguliwa kwa baa humu nchini kama njia moja ya kukabili maambukizi ya coronavirus

Waziri wa Afya Mutahi Kagwe Jumatano, Julai 29 alizua ucheshi wakati wa kikao na wanahabari baada ya kufichua ni mpenzi wa kileo.

Kagwe alisema wote ambao walikuwa wakishiriki kinywaji kabla ya Covid-19 kubisha wanafaa washukuru kuwa sasa kuna masharti ya kuwazuia kufanya hivyo.

Habari Nyingine: Mwakilishi wa wanawake Taita Taveta amulikwa baada ya gari lake kumuua mpita njia

Katiak kuwarai Wakenya kutii sheria za kufungwa kwa baa kama ilivyoagizwa na Rais Uhuru Kenyatta, alisema hilo linafaa kuwa la faida.

"Kama wewe ulikuwa ni mtu wa Kagwe special, sasa hiyo pesa fanyia kitu ingine. Labda kuna kitu mama alikuwa anapiga kelele anasema anata, sasa ni wakati wa kupatia yeye," alisema Kwagwe kwa ucheshi.

'Kagwe special' ni msemo ulioibuka ambapo Wakenya walidaiwa kuitisha chakula pamoja na vileo wakati serikali ilikuwa imeruhusu viuzwe kwenye mikahawa.

Habari Nyingine: Jumatano Julai 29: Watu 544 zaidi wapatwa na coronavirus

Kagwe alisema hata yeye amekuwa akitumiwa kiasi fulani cha fedha katika kukata kiu lakini sasa baa zimefungwa atazitumia vingine.

"Hata mimi sasa nitachunga mama, nimekuwa nikikula Kagwe spesheli lakini sasa hizo pesa nitafanyia kitu ingine ama nisaidie mtu," alisema

Habari Nyingine: Patricia Mutheu: Matiang'i akemea polisi kwa kushambulia MCA

Waziri aliwaonya vijana humu nchinio dhidi ya kufanyia suala la Covid-19 mchezo akisema huenda wakajuta.

"Na vijana mjichunge, mnajua mambo ambayo tumekuwa tukisoma kuhusu wanawake kule Uchina. Mjichunge, huenda mkajipata pabaya," aliongeza.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdjbH16hZBmopqfp5p6tLzErJ%2BepJlixKLGyKugZqORnMSmecCzrJplpZi1pr%2FHomSwmZuWwap51ppkpKGblrxuusBmrpqmkZ2uo63RomWhrJ2h