Mbunge Apata Aibu Wake Zake Kutandikana Hewani Akiapishwa

- Mbunge aliyechaguliwa hivi karibuni Moses Attan alihudhuria hafla yake ya kuapishwa akiwa ameandamana na wake zake wawili pasi na kujua sarakasi iliyokuwa inamsubiri

- Kila mmoja wao alitaka kusimama kando ya mumewe akiapishwa wakati hafla hio ilikuwa ikipeperushwa moja kwa moja kwenye runinga

- Kisa hicho kilizua gumzo mtandaoni huku baadhi ya watu wakiwataka wake hao kuheshimiana

Mbunge aliyechanguliwa hivi karibuni alijishindwa pa kuficha uso wake baada ya wake zake wawili kutandikana hadharani na tukio hilo kunaswa kwenye kamera.

Habari Nyingine: Wabunge Waidhinisha Uteuzi wa Jaji Mkuu Mteule Martha Koome

Tukio hilo lilitokea nchini Uganda wakati wa kuapishwa kwa wabunge wa bunge la 11 mnamo Mei 19.

Video zilizorekodiwa wakati wa sherehe hiyo zilionyesha mbunge aliyechaguliwa hivi karibuni, Attan Okia Moses, akiwasili na wake zake wawili.

Walienda kunawa mikono yao kama hatua za tahadhari za COVID-19 kabla ya kuelekea kwenye jukwaa.

Akiwa na Bibilia kwenye mkono mmoja, mbunge wa Manispaa ya Soroti alikuwa tayari kula kiapo cha ofisi kabla ya sarakasi kuanza.

Habari Nyingine: Chelsea Wapelekea Leicester City Hasira Wawapiga 2-1 Bila Huruma

Video iliyonaswa ilionyesha wanawake hao wawili wakishindana kusimama karibu naye.

Mmoja wa wake wa Attan alikuwa amesimama karibu naye wakati yule mwingine alikuja na kusisitiza angetaka kuchukua nafasi yake.

Wakati wa ugomvi huo, mbunge huyo alionekana akiangalia chini, labda kwa sababu alihisi aibu.

Video hiyo ilizua gumzo kwenye mitandao huku watu wakimsihi Attan awatulize wake zake wawili.

Wengine nao walipendekeza kuwa ni vyema wanawake hao waweke tofauti zao kando na waelewane.

Habari Nyingine: Raila Afunguka, Akemea Serikali kwa Kutumia Polisi Wakati wa Chaguzi Ndogo

Haya hapa ni maoni ya baadhi ya watu kwenye mtandao;

Mukamugema Florence alisema:

"Siwezi kuchoka kutazama video hii. Kicheko kinaniua."

MO alisema:

"Ikiwa unakubali kuwa mke wa pili, ni sharti umheshimu mke wa kwanza nyakati zote. Usizue ugomvi, kuwa mtulivu katika hali zote kwa sababu ndivyo ulivyochagua."

Birungi Stella alisema:

"Nimeshindwa kuzuia kicheko, banange. Sijawahi kuona kitu kama hiki.

Read: ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZn92gZRmpJutnpyybq3PmquaZZGer7Z51pqinmWqlrimecquq5qmlJ64orrAZp%2Ber5Gjtm6tyqKYqaGjncSiesetpKU%3D